- في وداعِ شهرِ رمضان - 11 أبريل، 2023
- التقويم الهجري أسماء ومعاني - 30 يوليو، 2022
- روائع الكلم - 19 يوليو، 2022
يارب جيب الفرج وارفع الغضب عنا
غيرك يارب الكون ما حد هايعينا
هجم المرض وانتشر والكل بيعاني
كل بيت زاره حتى ده جه زارنا
إتفرق الأحباب وبأثره غيبهم
لا نفع معاهم دوا ولا بروتوكول جارنا
قالوا ده فيه تطعيم ضد المرض يحمي
كل البلاد طوابير ولسه ما جه دورنا
قفلت مدارسنا والجامعات وقفت
ومصالح كتير عطلت وخسرنا أموالنا
حلم الإجازة سراب والغربة طحنتنا
واشتاقنا للأحباب ولدفئ أوطاننا
فيروس دقيق وعنيد بشروره عذبنا
وبقينا بالأسابيع ما حد جه دارنا
كرونا أو كوفيد الإسم ما يهمش
مخلوق غريب وعجيب هدد مصائرنا
يارب ليك حكمة ولكل شيء أسرار
لكن رحمتك واسعة تشملنا وتسعنا
حتى المساجد قفلت والخلق هجروها
واشتاقنا لصلاتنا ولركعة ترفعنا
رمضان شهر العبادة جالنا وفيه رحمة
يارب شفعه فينا ولمساجدنا رجعنا
هو عقاب رباني ولا إختبار لينا
الصبر من عندك ومن العقاب جيرنا
كل النعم منك والمعصية منا
وعفوك يا واسع العفو هو اللي ينفعنا
أسباب البشر عجزت طبعًا مفيش فايدة
كل الخلائق لقدرتك أكيد تكون خانعة
تقضي على الفيروس بقوة القهار
يخضع لجبروتك ولا ضره يصرعنا
يارب نشكو إليك الضعف والحيرة
إنت السند لينا على الفيروس قدّرنا وانصرنا
