- في وداعِ شهرِ رمضان - 11 أبريل، 2023
- التقويم الهجري أسماء ومعاني - 30 يوليو، 2022
- روائع الكلم - 19 يوليو، 2022
سألت الورد ليه الشوك كتير حواليه
جاوبني الورد ده عقاب للي يطمع فيه
رب العرش وهبه بفضله بحفظ وحماية
لمين يطاوع نفسه الضعيفة أو يمد إيديه
لكن من بحق الله وبالرضا يطلب وده
الورد يترك شوكه ويصفا له ويصبو إليه
رب الكون عمله الشوك حرز وحماية
يحميه من كل نفس دنيئة تجرحه وتأذيه
حقيقي الورد من غير شوك يصير سلعة
رخيصة وعويلة يحصدها أي طامع فيه
الورد من غير حماية وشوك مالوش قيمة
هو فيه ألماس يا ناس في سوق الذهب من غير حراسة عليه
أما الرخيص موجود ومباح ومالي الطرقات
والناس لا تنظر له وال حد يسأل فيه
ده الغالي يصبح غالي دايما بحراسه
لكن الرخيص منداس وتتلم الرعاع حواليه
الورد طول عمره يكون محفوظ وليه قيمة
يتصان بقيمته وكيانه للغالي إللي يفهم فيه
فالبنت الشريفة العفيفة ربنا حفظها
بحجابها وعفافها والدين إللي ناشئة عليه
ويطلبها من أهلها صاحب الخلق القويم والدين
هو ده الشباب الحقيقي إللي إحنا بنحلم بيه
أما البنت إللي مظهرها وأخلاقها بلا حارس
تسير وحيدة وشريدة للقاع إللي تهوي إليه
والوطن الغالي يكون منيع بقوة حراسه
والبلد الضعيف إللي متهاون كل أعداؤه تقطع فيه
واللي يقدر بلدنا ويعرف قيمتها ويصونها
يصير حبيب وغالي وكل الناس ترحب بيه
لكن الغدار اللي الغدر والإجرام شيمة في طبعه
بكل شوكنا و أي سلاح في إيدينا نغرسه في عينيه
