- ذكرى نصر أكتوبر المجيد - 9 أكتوبر، 2023
- في وداعِ شهرِ رمضان - 11 أبريل، 2023
- التقويم الهجري أسماء ومعاني - 30 يوليو، 2022
حيوا زهور ربيع العمر واسألوا عنهم
أيامهم قليلة معدودة ويرحلوا لدارهم
حفروا الصخر بإيديهم وخلوه مهاد ليكم
كرموهم بالود ساعة دي الجنة تحت أقدامهم
السن مش باليد ولا العجز اختيار
سنين العمر دارت وجارت والمرض شانهم
لا للأسيّة معاهم ولا حتى إهمالهم
بكرة ياللي تعيبهم يكون حالك أكيد حالهم
المولى أمرنا ليهم بالبر والإحسان
دي الأوف عند ربك عقوق وسلب لحقوقهم
ومن هدي النبي محمد من أكرم شيخ لسنه
أتاه الله مكرما عند سنه عدلا لتقديرهم
اوعاك يا ولدي تكبر وتتكبر على جذورك
دول ياما شافو منك كتير ولا عابوك إياك تكون عيبهم
عيشهم ربيع العمر في سعادة ده إللي باقي قليل
خريف العمر ليله طويل والوفاء زادهم
كلامهم حكم وعظات، وخبرة الأيام
زيّنوا بيها المجالس وارفعوا معناوياتهم
إحكي لأبناءك عليهم واديهم القدوة
ده إللي مالوش جذور في الأرض الريح تدمرهم
أيام العمر قصيرة والحياة قصص دايرة
إزرع بذور الخير تحصد ثمار الوفاء تحلى لك وتحلى لهم
يارب إدي العمر والسعادة للي ضحوا كتير
والبر في حياتهم خير من بكاء الموت حزنا لتكريمهم
