- ذكرى نصر أكتوبر المجيد - 9 أكتوبر، 2023
- في وداعِ شهرِ رمضان - 11 أبريل، 2023
- التقويم الهجري أسماء ومعاني - 30 يوليو، 2022
مع إنه مش عيد عندنا
لكنه في كيانا وحسنا
عيد الحب عند الغرب سلعة وعربدة
لكن الحب الحقيقي في كيانا وسمتنا
حبك لربك والطاعة ليه في كل أمر
تخضع بقلبك حتى ولو الحكمة مش بينة
صوم أو صلاة أو عبادة مخلصة
حب الإله يجعل جوارحك مذعنة
حبك لرسول الله محمد وَإتِّبَاعُه في كل سُنَّة
تكون معاه في الجنة متنعم وده قمة لحبنا
ومن هديه الكريم أنت ومن تحب تكونوا صحبة
حبه في قلوبنا وللشفاعة محتاجين لغفران ذنبنا
حبك لأمك ولأبوك والبر بيهم
تبقى طول العمر بينكم فيه علاقة حنينة
حتى بعد البعد عنهم وبوفاتهم
دعاك وبر أحبابهم دي وصية شفيعنا وسعدنا
حبك لزوجة اختارها قلبك وبالمودة موصولين
والرحمة بينكم جزء من رحمة الإله بيها مدنا
حبك لإبنك أو لبنتك وهما فرع منك
ترويهم برعاية وبحنان ونشأة يرضى عنها ربنا
حب الحفيد صافي وفريد
ما لو مثال ممزوج بأغلى أيام في آخر عمرنا
الحب مش وردة ودبدوب هدية وقلب مرسوم بريشة
الحب إحساس ومشاعر موجودة في دمنا
تظهر في نظرة أو في موقف
أو في لمسة إيد لأم حنينة
حبك لوطنك ولمكان أصلك وناسك فيه والذكريات
حب يحسه كل واحد من غير وطن أو في غربة زيينا
الحب مش حفلة في يوم أو لفظ عابر
لكنه موجود وموصول بإخلاص طول السنة
الحب جميل بمعسول الكلام
وأجمل يكون بفعل راقي يلامس حبايبنا كلنا
يارب اجعل حبنا ليك ولرسولك محمد عبادة
تجازينا عنها رحمة تشملنا وحبايب قلبنا
