كاتبة روائية وشاعرة مصرية، صدر لها عن دار النخبة، ديوان "في مرآة عينيه"، والمجموعة القصصية "خواجات اسكندرية.
Latest posts by أميمة منصور (see all)
- أبو المساكين - 24 ديسمبر، 2022
- ماري… جميلة من «خواجات اسكندرية» - 20 يونيو، 2022
- غالية يا مصر - 23 يناير، 2021
مصر يا غالية
يا أم الدنيا
يالي ترابك
ورد وحِنة
مهما أشرَّق
ولَّا أغرَّب
بَعشق أرضك
نيلك بَحرك
شمسك قمرك
بَعشق كل جناين
وَردك
بَعشق صوت
المَدنة يأدِّن
لونك الاسمر
قلبك الاخضر
بَعشق كل ما فيكي
يا قَمرة
سِحرك باهر
قلبِك طاهر
دم ولادِك ذي
السُكر
كل ما فيكي يا
مصر جميل
شمسِك
قمرِك
نهر النيل
وبنتقابل بعد
الغُربة
وبنتواعِد بعد
الفُرقة
واللي بيشرب
يوم من نيلِك
لازم يرجع
يحضُن ليلِك
ما أنتي يا حلوة
أم الدنيا
ساكنة في قلبي
وفي وجداني
ما انتي يا سَمرة
قَدّ الدُنيا
مهمَا يقولوا
ولَّا يعيدوا
عُمر كلامهم
مش هايأثَّر
ولا نتبدِّل ولا
نتغيَّر
مِش هانرُد
بكلمة عليهم
أدي أهرامِك
وأبو الهول
وادي تمثال
رمسيس التاني
يشهد على المَجد
وعلى النور
على قصة
السدّ العالي
على فرحة نصر
العبور
وادي الفن الراقي
الغالي
ادي رامي ويّا
رياض
وادي نجيب محفوظ
وزويل
ويّا العقاد
وطه حسين
كتبوا عليكي
أحلى أغاني
فيها المجد
وفيها معالي
ما انتي يا مصر
الباب العالي
فيكي الرِقَّة
فيكي القوة
بَس الأيام
هاتورّيهم
إنك صابرة
إنك صامدة
إنك قادرة
تزيحي الغُمة
ومسِير شمسِك
تطلَع تاني
ترجعي
قُدوة
وفَخر الأُمة
ونرجع لك تاني
مكانِك مَجد
وعِزّة
لكل ولادِك
شايلة وحاضنة
كل أحبابك
ونحقق لك
كل آمالِك
وأمل كل المصريين
ما أنتي عروسة
المصريين
مهرِك غالي
فرحِك غالي
يا قلب وعُمر
المصريين
